कृष्णसार बिद्या निकेतनको १९ औं बार्षिकोत्सव तथा अभिभावक दिवस सम्पन्न

ज्ञानेन्द्र पोख्रेल

बर्दिया  /  बढैयाताल १४ मंसिर २०८२ ,बर्दियाको बढैयाताल गाऊपालिका नं ६ मैनापोखरमा रहेको कृष्णसार बिद्या निकेतनले आफ्नो१९ औं बार्षिकोत्सव तथा अभिभावक दिवस विभिन्न कार्यक्रम गरी मनाएको छ ।

शुक्रबार बिद्यालयमा एक भव्य समारोहको आयोजना गरी बार्षिकोत्सव तथा अभिभावक दिवस सम्पन्न गरेको हो । बार्षिकोत्सवको अवसरमा मार्च पास, पुरस्कार एवम् छात्रबृत्ति बितरण, पि.टी ड्रिल र फर्मेसन, चित्रकला प्रर्दशनी, नाटक, नृत्य एवं गीतकला प्रदर्शनी लगायत् का बिभिन्न संस्कृतिक कार्यक्रम समेत गरिएको थियो ।

बिद्यालयमा रहेका अधिकांश विद्यार्थीहरु कुनै न कुनै क्रियाकलापमा सहभागी भएर कार्यक्रम सम्पन्न गरेको बिद्यालयका प्रधानाध्पक नगेन्द्र भण्डारीले बताए । कार्यक्रमका प्रमुख अतिथि बढैयाताल गाउँपालिकाका अध्यक्ष हिमालय त्रिपाठीले शुभकामना दिर्दै बिद्यालयको उत्तर उत्तर प्रगतिको कामना गरे ।

उनले भने, संस्थागत बिद्यालयको शिक्षा क्षेत्रमा ठुलो योगदान रहेको छ भने बढैयाताल गाउपालिकाले बढैयाताल गाउपालिका भित्र रहेका समुदायिक र संस्थागत विद्यालय लाई हेर्ने दृष्टिकोण एउटै रहेको समेत बताए । बर्दिया जिल्लाको उत्कृष्ट नतिजा दिर्दै आएको कृष्णसार बिद्या निकेतनले २०८१ सालको परिक्षामा उत्कृष्ट अंक ल्याई उतिर्ण हुने कक्षा नर्सरी देखी कक्षा १० सम्म का बिद्यार्थीलाई पुरस्कार बितरण समेत गरिएको थियो ।

यसका साथै २०८१ सालको एस ई ई मा उत्कृष्ट अंक ल्याई उतिर्ण हुने १६ जना बिद्यार्थीलाई दोसल्ला ओढाई सम्मान गरिएको छ, भने यस वर्ष को एम बि बिएस पुर्ण छात्रवृति मा नाम निकाल्न सफल यसै विद्यालयका २०७९ एसईई व्याच का विद्यार्थी मोहन बहादुर क्षेत्री लाई विद्यालयले सम्मान गरेको थियो ।
बढैयाताल गाउँपालिकामा संस्थागत बिद्यालयतर्प छुट्टै पहिचान बनाउन सफल यस बिद्यालयले उत्कृष्ट शिक्षक तथा कर्मचारी लाई सम्मान गरेको थियो ।कार्यक्रम कृष्णसार विधा निकेतनका प्रधानाध्यापक नगेन्द्र भण्डारीको सभापतित्वमा मा भएको थियो ।

कार्यक्रम मा प्रमुख अतिथि बढैयाताल गाउपालिका का अध्यक्ष हिमालय त्रिपाठी बिशिष्ट अतिथि बढैयाताल गाउँपालिकाका शिक्षा शाखा प्रमुख बिश्वराज ढकाल, प्याप्सन बर्दियाका उपाध्यक्ष जित बहादुर रोकाय, अतिथिहरु बढैयाताल गाउँपालिका वडा नं. ६ का वडा अध्यक्ष शुक्रराज सापकोटा, वडा नं. ५ का वडा अध्यक्ष तुलाराम थारु, वडा नं. ८ का वडा अध्यक्ष तेज नाथ पौडेल, वडा नं. २ का वडा अध्यक्ष डिला देव गिरी, ईलाका प्रहरी कार्यालय मैनापोखरका प्रहरी निरिक्षक अच्युत गिरी, बढैयाताल नागरिक समाजका अध्यक्ष बाल कृष्ण लामिछाने, मैनापोखर शारदा बहुमुखी क्याम्पस का अध्यक्ष प्रेम राज त्रिपाठी , विद्यालयका संन्चालकहरु , लगायत् समाजसेवी शिक्षाप्रेमी, अभिभावक, विद्यालयका शिक्षक कर्मचारीहरु , बिद्यार्थीहरु , पत्रकारहरु लगायतको उल्लेखनीय सहभागिता रहेको थियो ।